Xiva tuman Axborot-kutubxona markazida «Ayollarni e’zozlash oyligi» doirasida o‘tkazilgan «Ona siymosi-mehr manbai» mavzusida rasmlar tanlovi bòlib òtdi. Mazkur tanlovda maktab o‘quvchilari va talaba yoshlar faol ishtirok etdilar. Tanlovdan ko‘zlangan asosiy maqsad – ona siymosini ulug‘lash, mehr-muhabbat, sadoqat va fidoyilik tuyg‘ularini yoshlar qalbiga singdirishdan iborat bo‘ldi.
Ishtirokchilar o‘z rasmlarida onaning mehribonligi, sabr-toqati, farzandiga bo‘lgan cheksiz muhabbati va oiladagi o‘rnini tasvirladilar.Mazkur tanlov barchaga ko‘tarinki kayfiyat bag‘ishlab, ona siymosining naqadar ulug‘ va muqaddas ekanini yana bir bor namoyon etdi