Axborot-kutubxona markazida Fozil Zohid tavalludining 100 yilligi munosabati bilan «Kitobxonlar» klubi a’zolari ishtirokida «Xalq sevgan shoir» mavzusida davra suhbati tashkil etildi. Tadbir davomida shoirning sermazmun hayoti va ijodiy merosi haqida ma’lumotlar berilib, uning she’rlaridan namunalar o’qildi. Ishtirokchilar shoir ijodi yuzasidan o’z fikr va mulohazalarini bildirib, mutolaaning ma’naviy kamolotdagi o’rni haqida fikr almashdilar. Tadbir kitobxonlarda milliy adabiyotimizga bo’lgan qiziqishni yanada oshirishga xizmat qildi.