YANGILIKLAR

«Navrozni uluglash -insonni ulug`lashdir»

18 марта, 2026

Xiva tumanidagi Shomoxulum mahallasida joylashgan istirohat bog‘i maydonida Xiva tumanining «Navrozni uluglash -insonni uluglashdir" nomli Navro‘z umumxalq bayrami tadbiri bo‘lib o‘tdi. Navro‘z tantanalari milliy urf-odatlarimiz va qadriyatlarimizni milliy toamlarimizni o‘zida mujassam etgan holda tashkil etildi. Tumandagi barcha mahallalar tomonidan o‘ziga xos sahna ko‘rinishlari tayyorlanib, hududlar bayramona, bahoriy ruhda bezatildi. Ushbu tantanalarda Xiva tuman Axborot-kutubxona markazi xodimlari Korgazma va milliy taomlari bilan faol ishtirok etdilar. Tadbirning turli nominatsiyalari g‘oliblari tuman hokimligining qimmatbaxo sovg‘alari bilan taqdirlandilar. Shu jumladan Xiva tuman Axborot kutubxona markazi «ENG YAXSHI BAHORIY VA MILLIY TAOMLAR KORGAZMASI" nominatsiyasi boyicha faxrli 2-orinni egallab Diplom va qimmatbaxo savgalar bilan taqdirlandi.

«Kitobxon onalar ma‘rifati «

13 марта, 2026

Jamiyatda kitobxonlikni rivojlantirish ayniqsa xotin qizlar orasida kitob mutoolasini keng targ‘ib qilish kitobxon onalar safini kengaytirish orqali manaviyatini yuksaltirishda va oilada yosh avlod tarbiyasida kitobning o‘rni muhim hisoblanadi.Zero, kitobxonlik oiladan boshlanadi.Darhaqiqat,bu ma‘naviy sarchashma farzandlarimizning dunyoqarashini boyitadi nutqini o‘stirib,xotirasini mustahkamlaydi.Kitob maslahatchi sadoqatli hamroh. Xiva tuman axborot-kutubxona markazi xodimlari ham ana shunday ezgu niyat bilan «Kitobxon onalar ma‘rifati «mavzusida kitobxon onalar bilan davra suhbati qilindi va oilalarda bo‘lib kitoblar targ‘iboti qilindi.

“Yo‘l-yo‘lakay”

11 марта, 2026

Xiva tuman Axborot kutubxona xodimlari “Yo‘l-yo‘lakay” loyihasi asosida aholining kitobga bo‘lgan qiziqishini oshirish maqsadida kitob targ‘iboti ishlari olib borildi. Jarayon davomida fuqarolarga turli badiiy va ma’naviy-ma’rifiy adabiyotlar tavsiya etilib, kitob mutolaasining inson hayotidagi o‘rni va ahamiyati haqida qisqacha ma’lumotlar berildi. Bu kabi targ‘ibot ishlari kitobxonlik madaniyatini yanada rivojlantirishga xizmat qiladi.

«Ayol-mehr va fidoiylik timsoli»

6 марта, 2026

Xiva tuman Axborot-kutubxona markazida 8-mart – Xalqaro xotin-qizlar bayrami munosabati bilan «Ayol-mehr va fidoiylik timsoli» mavzusida “Balli qizlar” ko‘rik-tanlovi tashkil etildi. Tadbirning asosiy maqsadi qizlarning iqtidorini namoyon etish, ularning bilim va salohiyatini qo‘llab-quvvatlash, shuningdek, bayram munosabati bilan ko‘tarinki kayfiyat ulashishdan iborat bo‘ldi.
Tanlovda faol va iqtidorli qizlar ishtirok etib, o‘z qobiliyatlarini turli shartlar orqali namoyish etdilar. Tanlov 4 ta shart asosida o‘tkazildi.
Tanlov yakunida hakamlar hay’ati tomonidan barcha shartlar bo‘yicha ishtirokchilar baholanib, eng faol va iqtidorli qizlar g‘olib deb topildi hamda esdalik sovg‘alari bilan taqdirlandi. Bunday tadbirlar yoshlarning faolligini oshirish, ularning qobiliyatlarini yuzaga chiqarish hamda milliy qadriyatlarimizni targ‘ib etishda muhim ahamiyat kasb etadi.

«Ona siymosi-mehr manbai»

3 марта, 2026

Xiva tuman Axborot-kutubxona markazida «Ayollarni e’zozlash oyligi» doirasida o‘tkazilgan «Ona siymosi-mehr manbai» mavzusida rasmlar tanlovi bòlib òtdi. Mazkur tanlovda maktab o‘quvchilari va talaba yoshlar faol ishtirok etdilar. Tanlovdan ko‘zlangan asosiy maqsad – ona siymosini ulug‘lash, mehr-muhabbat, sadoqat va fidoyilik tuyg‘ularini yoshlar qalbiga singdirishdan iborat bo‘ldi.
Ishtirokchilar o‘z rasmlarida onaning mehribonligi, sabr-toqati, farzandiga bo‘lgan cheksiz muhabbati va oiladagi o‘rnini tasvirladilar.Mazkur tanlov barchaga ko‘tarinki kayfiyat bag‘ishlab, ona siymosining naqadar ulug‘ va muqaddas ekanini yana bir bor namoyon etdi

“Ayol baxtli bo‘lsa – jamiyat baxtli bo‘ladi”

25 февраля, 2026

Xiva tuman Axborot-kutubxona markazida 15- fevraldan 15-martgacha «Ayollarni e’zozlash oyligi» munosabati bilan “Ayol baxtli bo‘lsa – jamiyat baxtli bo‘ladi” shiori ostida ma’naviy-ma’rifiy tadbir tashkil etildi. Tadbirda mahalla faollari, nuroniy onaxonlar, xotin-qizlar hamda yoshlar ishtirok etdilar.
Tadbir davomida ayolning jamiyatdagi o‘rni, oiladagi mas’uliyati, farzand tarbiyasidagi beqiyos hissasi haqida so‘z yuritildi. So‘zga chiqqanlar ayol – mehr va muhabbat timsoli, oilaning tayanchi, jamiyatning mustahkam poydevori ekanini alohida ta’kidladilar.
Shuningdek, faol va namunali onaxonlar, jamiyat hayotida faol ishtirok etayotgan xotin-qizlar munosib taqdirlanib, tashakkurnomalar hamda esdalik sovg‘alari topshirildi. Tadbir samimiy ruhda, ochiq muloqot tarzida o‘tdi.
Mazkur uchrashuv barchada katta ta’assurot qoldirib, ayollarga bo‘lgan hurmat va e’tiborni yanada mustahkamladi.

Saida Zunnunova tavalludining 100 yilligi munosabati

18 февраля, 2026

Xiva tuman Axborot-kutubxona markazida «Ayollarni -ezozlash" oyligi doirasida atoqli ozbek adabiyotining yorqin yulduzi, nafosat va matonat timsoli-Saida Zunnunova tavalludining 100 yilligi munosabati «Saida Zunnunova sherlari bilan tanishuv" mavzusida bilan kitobxonlar bilan davra suhbati otkazildi. Uning » Qizlar», «Yashil yaproqlar», va «Gullar vodiysi» kabi toplamlari ayniqsa "Bahorni qarshilab" sheriy kitobi kitobxonlar tomonidan sevib mutolaa qilindi. Turmush ortogi Said Ahmad bilan boshidan kechirgan murakkab yillari, ayriliq va soginch azoblari uning sherlarida hayotiy va dardli aks etgan. U ozbek ayolining vafodorligini faqat sozda emas amalda ham korsata olgan ijodkordir. Bugungi 100 yillik yubiley tadbirimizning asosiy maqsadi- shoira qoldirgan boy manaviy merosni yosh avlodga yetkazish, ularda kitobxonlik va vatanparvarik tuygularini shakllantirishdir. Saida Zunnunova sheriyati hamisha bahordek yashnab, qalblarimizda ezgulik urug`ini ekib qolaveradi.

Matnazar Abdulhakim ijodiga bag‘ishlangan umumta’lim maktab o‘quvchilari ishtirokida insholar tanlovi bo‘lib o‘tdi

16 февраля, 2026

Xiva tuman Axborot – kutubxona markazida Maktabgacha va maktab ta’limi bo‘limi bilan hamkorlikda biz o‘zbek adabiyotining iste’dodli namoyandalaridan biri — Matnazar Abdulhakim ijodiga bag‘ishlangan umumta’lim maktab o‘quvchilari ishtirokida insholar tanlovi bo‘lib o‘tdi. Tanlovda o‘quvchilar tomonidan 2 shart asosida yani insho va sherxonlik boyicha bellashdilar. Insho yozishda adibning ijodi — bu teran tafakkur, milliy ruh va inson qalbining nozik kechinmalarini o‘zida mujassam etgan bebaho xazina ekanligini yozgan inshosi orqali namoyon qilishdilar. She’riyat bo‘yicha uning asarlarida Vatanga muhabbat, insoniylik va ma’naviy poklik g‘oyalari yetakchiligini she’rlari orqali ifodalab berdilar. Tanlov yakunida hakamlar hayati tomonidan ishtirokchilarning bilim saviyasi, nutq madaniyati va ijro mahorati baholandi. Natijalarga kora 14-42 maktab oquvchilari g`olib deb topildi.

Zahiriddin Muhammad Bobur tavalludining 543 yilligi

13 февраля, 2026

Axborot-kutubxona markaziga qarashli ko‘chma kutubxonada ham buyuk shoir va davlat arbobi Zahiriddin Muhammad Bobur tavalludining 543 yilligi munosabati bilan ma’naviy-ma’rifiy tadbir tashkil etildi. yosh kitobxonlar va ustozlar faol ishtirok etdilar.
Tadbir davomida Boburning hayoti va ijodiga oid ma’lumotlar berilib, uning boy adabiy merosi haqida suhbat o‘tkazildi. Ishtirokchilar tomonidan shoirning g‘azallari ifodali o‘qildi hamda Boburnoma asarining tarixiy ahamiyati haqida fikr-mulohazalar bildirildi.
Ko‘chma kutubxona xodimlari tomonidan Bobur hayoti va ijodiga bag‘ishlangan kitoblar ko‘rgazmasi tashkil etilib, kitobxonlarga tavsiyalar berildi. Tadbir yoshlarning kitob mutolaasiga bo‘lgan qiziqishini yanada oshirish, ularda milliy g‘urur va ajdodlar merosiga hurmat tuyg‘usini shakllantirishga xizmat qildi.

“Ikki buyuk siymo”

9 февраля, 2026

Axborot-kutubxona markazida buyuk mutafakkirlar — Alisher Navoiy va Zahiriddin Muhammad Bobur hayoti hamda ijodiga bag‘ishlangan “Ikki buyuk siymo” mavzusida ma’naviy-ma’rifiy tadbir bo‘lib o‘tdi. Tadbirda yosh kitobxonlar, ustozlar hamda AKM xodimlari faol ishtirok etdilar.
Tadbir jarayonida Alisher Navoiy va Zahiriddin Muhammad Boburning adabiyot, tarix va ma’naviyat rivojiga qo‘shgan beqiyos hissasi haqida atroflicha ma’lumotlar berildi. Sahna ko‘rinishlari, badiiy chiqishlar,ĝazal va ruboiylardan buyuk siymolarning hayoti va ijodi jonli tarzda namoyish etildi.
Shuningdek, tadbir doirasida tashkil etilgan kitoblar ko‘rgazmasida ikki buyuk siymoga oid badiiy, ilmiy va tarixiy asarlar o‘rin oldi. Ko‘rgazma ishtirokchilarda katta qiziqish uyg‘otib, ularni mutolaaga chorladi.
Mazkur tadbir yosh avlod qalbida milliy qadriyatlarga hurmat, buyuk ajdodlarimiz merosiga sadoqat va kitobxonlik madaniyatini yanada yuksaltirishga xizmat qildi. Tadbir mazmunli, qiziqarli va ko‘tarinki ruhda o‘tdi.